രസികന്‍ സംഗതികള്‍

ഇന്‍ പുതിയകാവ് നഗര്‍

2009-10-27T06:13:00.000+05:30

ഈ പിള്ളേര്‍ടെ ഒരു കാര്യം.

അവന്‌ സമാധാനമായി....

2009-10-11T07:15:00.001+05:30

വല്ല്യ സൂക്കേടായിരുന്നു. പണികിട്ടിയപ്പോള്‍ അവന്‌ സമാധാനമായി..അല്ലാ പിന്നെ...

ആനേടെ പോലീസ്പേടി !

2009-09-24T05:38:00.001+05:30

പത്രക്കാര്‍ടെ കാര്യം ! തോറ്റു !

2009-06-03T07:15:00.003+05:30

സംഭവം പരമരഹസ്യമാണ്. ആരും അറിഞ്ഞിട്ടില്ല. ആരോടും പറയല്ലേ......

ലിറ്റില്‍‌ ഇന്‍‌ഡ്യന്‍ ബോയ്....ഒരു ഹിറ്റ് !

2009-05-23T07:51:00.003+05:30

യു‌റ്റ്യൂബില്‍ തരം‌ഗമായി മാറിയ ലിറ്റില്‍ ബോയ്......ആരാധകരായ ഒരു കൂട്ടം യുവാക്കളും.....ഒരു പെണ്ണും...!!

രവി ഒരു മഹാനാണ്.

2009-04-04T23:35:00.003+05:30

ഇംഗ്ലീഷ് ഭാഷ സംസാരിക്കാന്‍ തന്നെ ആളുകള്‍ ബുദ്ധിമുട്ടുമ്പോള്‍ പത്ത് ഭാഷകളില്‍ സംസാരിക്കുന്ന രവി ഒരു മഹാന്‍ തന്നെ. തെരുവിലെ മഹാന്‍ .

ബൈജൂസ് കുച്ചിപ്പുഡി

2009-01-18T07:59:00.001+05:30

അവന്റെയൊരു ഡാന്‍സ്

2009-01-01T04:11:00.003+05:30

ഐ...എന്താ ഡാന്‍സ്. തിരുവനന്തപുരം ജില്ലയിലെ ഏതോ ഒരു പ്രാന്തപ്രദേശത്ത് ചിത്രീകരിക്കപ്പെട്ട ഈ വീഡിയോ, അയ്യപ്പബൈജുവിന് സമര്‍പ്പിച്ചിരിക്കുന്നു.

ഒന്നാമത്തെ പെഗ്ഗ്

2008-11-14T13:26:00.005+05:30

കാര്യം മദ്യപാനം മോശാണ്. പക്ഷെ ഇതുപോലുള്ള രസ്യന്‍ വീഡിയോകള്‍ എങ്ങനെ വിട്ട് കളയും. ബെര്‍ളിയുടെ ‘ആര്‍പ്പോയ്’ ആല്‍ബം ഷാപ്പിലായിരുന്നെങ്കില്‍, ഇത് ബാറിലാണ്. ആസ്ഥാന കൂതറകള്‍ക്കായി സമര്‍പ്പിക്കുന്നു.

നിയമപ്രകാരമുള്ള മുന്നറിയിപ്പ് : മദ്യപാനം ആരോഗ്യത്തിന് ഹാനികരം

അയ്യോ..ഭാര്യ മാറിപ്പോയി !

2008-10-20T06:22:00.002+05:30

ഇം‌ഗ്ലീഷ് അറിയാമോ? ഇല്ലേ..എങ്കില്‍ ജര്‍മ്മന്‍

2008-10-20T06:03:00.001+05:30

സിസ്‌റ്റര്‍ സിസ്‌റ്റര്‍ ഒന്നു നോക്കിക്കേ !

2008-09-29T05:07:00.004+05:30

എന്നാ സിസ്‌റ്ററാഡാ...ഫൂലോക ബ്യൂട്ടി. ഹൊ.

ഇന്നാ പിടി, ഇതുപോലെ വേറൊരെണ്ണം. ഒടുവില്‍ 20 ഡോളറിന്‌ സിസ്‌റ്റര്‍ സമ്മതിച്ചു. ഹി ഹി

ക്‌ണ്...ഒരു മൊബൈല്‍ ആല്‍ബം

2008-09-06T23:19:00.006+05:30

ക്‌ണ് ഉപയോഗിക്കാതെ കോഴിക്കോട്ടുകാര്‍ക്ക് സംസാരിക്കാനാവില്ല. സ്വന്തമായി മൊബൈല്‍ വാങ്ങുന്നത് സ്വപ്നം കാണുന്ന ഒരു മലബാര്‍ യുവാവിന്റെ കഥ പറയുന്ന ‘കാസെറ്റ്’ എന്ന ആല്‍ബം ഇതിനോടകം ഹിറ്റായി കഴിഞ്ഞു.

അമ്മ പറഞ്ഞല്ലോ എനിക്ക് പറ്റുമെന്ന് (18+)

2008-09-06T09:57:00.003+05:30

പയ്യന്റെ ഭാഗത്തും ന്യായമുണ്ട്. ഒന്നുമില്ലേലും അമ്മ പറഞ്ഞിട്ടല്ലേ. അമ്മേടെ ഒരു കാര്യം.

എന്റെ സോള്‍മേറ്റ് ചക്കര !

2008-08-23T09:59:00.002+05:30

വോഡഫോണ്‍ പരസ്യങ്ങള്‍ കിടിലമാണെന്ന് ഞാന്‍ പണ്ടേ പറഞ്ഞിട്ടുണ്ട്. ഇതൊക്കെ സൃഷ്‌ടിക്കുന്നവനെ സമ്മതിക്കണം. എന്നാ ഐഡിയ ആണെന്നേ.

അഛനും, കടലാസും, കുട്ടിയും, ചിരിയും

2008-08-20T09:02:00.002+05:30

കുഞ്ഞുങ്ങളുടെ ചിരിയാണ്‌ ഈ ലോകത്തില്‍ കാണാന്‍ സാധിക്കുന്ന വലിയ സൗന്ദര്യങ്ങളില്‍ ഒന്ന്. ഈ കുഞ്ഞിക്കുട്ടന്‍ ഒരു പടികൂടി കടന്ന് ചിരിച്ചിരിക്കുന്നു.

ഇനി ചേട്ടന്‍ ഒരുമ്മ തരാം

2008-08-15T08:10:00.003+05:30

ഒരു പെണ്ണ്‌ വന്ന് ചുംബിച്ചപ്പോള്‍ പുരുഷന്മാര്‍ എങ്ങനെ പ്രതികരിച്ചു എന്ന് നമ്മള്‍ കണ്ടുകഴിഞ്ഞു.
ഇനി സംഗതി തിരിച്ചായാല്‍ എന്തു സംഭവിക്കും എന്നൊന്ന് കണ്ടുനോക്കാം.

ചേച്ചി ഒരു ഉമ്മ തരാം

2008-08-14T08:40:00.000+05:30

സംഭവം ഫ്രീയാണേ !

കക്ഷം രോമാവൃതം

2008-08-12T06:32:00.001+05:30

കക്ഷം പൊതുവേ രോമാവൃതമായിരിക്കും. എന്താ ചെയ്‌ക ?

ഇത് പെണ്ണുങ്ങക്കുള്ളതാ, അവര്‍ക്കേ മനസ്സിലാകൂ.

2008-08-08T05:25:00.005+05:30

ഇഷ്‌ടപ്രാണേശ്വരി, ദാഹിച്ചു ദാഹിച്ചു നില്‍ക്കുന്ന ഈ വേഴാമ്പല്‍ പക്ഷിക്കല്‍പ്പം ദാഹജലം തരുമോ.
മോഹിച്ച് മോഹിച്ച് നീറുന്ന അന്തരാത്മാവിനിത്തിരി കുളിര്‍ പകരുമോ കരളേ,
ആ ഹൃദയകവാടം തുറന്നിട്ട് ഈ ഇണക്കിളിയെ അവിടെ കൂടുകെട്ടാന്‍ അനുവദിക്കുമോ, പറയൂ...മല്‍‌സഖീ.....

ഛീ...മാറിക്കോ !

2008-08-05T01:32:00.000+05:30

ഒരു പതിനെട്ടാം പ്രസവം

2008-08-02T07:06:00.001+05:30

പതിനെട്ടു മക്കളെ പെറ്റൊരമ്മ.

സോറി മോളേ....ആരോടും പറയല്ലേ.

2008-07-09T06:26:00.000+05:30

ആരും കണ്ടില്ല, അതോണ്ട് മാനം പോയില്ല. ഛെ...അവള്‍ എന്തു വിചാരിച്ചുകാണും. ഒന്നും വേണ്ടായിരുന്നു.

മാഹാ.. Vs മൈ ഹമ്പ്‌.. എന്റമ്മേ !!

2008-06-20T22:24:00.000+05:30

ചാര്‍മി നമുക്ക്‌ വേണ്ടപ്പെട്ട കുട്ടിയാണ്‌. അതുകൊണ്ടാണല്ലോ 'മന്ത്ര' എന്ന ഡബ്ബിംഗ്‌ പടത്തിലെ പാട്ട്‌ ഒന്നു കണ്ടുകളയാമെന്ന് വച്ചത്‌. നോക്കുമ്പം ആണ്ട്രാ കിടിലന്‍ പാട്ട്‌. ആദ്യത്തെ ഒരു രണ്ടുമിനിറ്റെങ്കിലും ഇതൊന്നു കാണണേ, പ്ലീസ്.

M.A.N.T.R.A പ്രണയത്തിണ്റ്റെ മന്ത്രം ഞാന്‍,
മാഹാ..മാഹാ..മാഹാ.. മാഹാ
മാഹാ..മാഹാ..മാഹാ.. മാഹാ
MY HEART IS VERY HOT, CHECK IT OUT !

ഞാന്‍ ഒരോ ചോക്‌ലേറ്റ്‌ കൊണ്ട്‌
നിന്‍ ഹാര്‍ട്ട്ബീറ്റ്‌ കൂട്ടും പെണ്ണ്
എന്‍ മുന്നില്‍ വന്ന് പെട്ടാല്‍
നിന്‍ കാര്യം തീര്‍ന്നു ഇഷ്‌ടാ
മായാജാലക്കാരി ചേലേഴും നിന്‍ തോഴി
ആരും കാണാ നിമിഷം വന്നാല്‍
കണ്‍മുന കൊണ്ട്‌ കൊല്ലും ഞാന്‍
ലൈഫൊരു ഗോള്‍ഡന്‍ കപ്പാ
വേസ്‌റ്റ്‌ ചെയ്യല്ലേ ചെക്കാ
മെല്ലെ മെല്ലെ മായും ടീനേജ്‌
ഓപ്പണ്‍ ചെയ്യ്‌ ഹാര്‍ട്ടിന്‍ ഗാരേജ്‌.. (പിന്നെ കുറെ ഹിന്ദി... )

ഇത്രയും പാട്ട്‌ കേട്ട്‌ ടൈപ്പ് ചെയ്ത്‌ കഴിഞ്ഞപ്പോള്‍ എന്റെ അടപ്പൂരി. പാട്ട്‌ കിടിലമായിരുന്നു. ചാര്‍മ്മിക്കൊച്ച്‌ വളരെ ആത്മാര്‍ത്ഥമായിത്തന്നെ പണിയെടുത്തിട്ടുണ്ട്‌ (ഹി..ഹി). പക്‌ഷേ, ഈ പാട്ടിന്‌ പണ്ടെങ്ങോ കേട്ടു മറന്ന ഒരു പാട്ടുമായി സാമ്യമില്ലേ എന്നൊരു തോന്നല്‍. അപ്പോഴാണ്‌ റിലേറ്റഡ്‌ വീഡിയോസില്‍ നോക്കാന്‍ തോന്നിയത്‌. വിവരമുള്ള മച്ചാന്‍മാര്‍ ഈ പാട്ടിണ്റ്റെ ഒറിജിനല്‍ അവിടെ കൊണ്ടുവന്ന് ഇട്ടിട്ടുണ്ട്‌. പിടികിട്ടി. ബ്ലാക്ക് ഐഡ് പീസിന്റെ (Black Eyed Peas) മൈ ഹമ്പ്‌സ് എന്ന പാട്ടാണ്‌ ലവന്‍മാര്‍ അടിച്ചുമാറ്റി 'മാഹാ' ആക്കിമാറ്റിയത്‌. സമ്മതിക്കണം ചങ്ങാതി. അവരോട്‌ ചോദിക്കാനൊന്നും പോകണ്ട. ചോദിച്ചാല്‍ പറയും, നായിക ആ പാട്ടില്‍ നിന്ന് പ്രചോദനം ഉള്‍ക്കൊണ്ട്‌ സ്വന്തം നാട്ടില്‍ ആടിപ്പാടുന്നതിണ്റ്റെ വ്യത്യസ്തവും, മൃഗൃഷ്‌ടവും, അത്യുല്‍കൃഷ്‌ടവുമായ ചില അന്തര്‍ധാരകളെ അവലോകനം ചെയ്യുകയായിരുന്നു ഞങ്ങളുടെ ലക്ഷ്യമെന്ന്. ഒറിജിനല്‍ താഴെ കൊടുക്കുന്നു.

ലോക്കിംഗ് ഡാന്‍സ് .. അപാരം

2008-06-10T05:27:00.000+05:30

ഈ രണ്ടു ചക്കരക്കുട്ടികളുടെ സ്റ്റെപ്പുകള്‍ കണ്ടു ഞാന്‍ തകര്‍‌ന്നുപോയി. സമ്മതിക്കണം ചങ്ങാതി. യൂറോപ്പിലും അമേരിക്കയിലും ഹിറ്റായി ഓടുന്ന വീഡിയോ. പീറ്റി പാബ്‌ളോയുടെ സംഗീതത്തിനൊത്ത് ചുവടുവയ്ക്കുന്ന ഫ്രഞ്ച് സുന്ദരികള്‍, എതിരാളികളായ പുരുഷന്മാരെ നിഷ്‌പ്രഭരാക്കിക്കളഞ്ഞു. സബ്‌വൂഫര്‍ ഉണ്ടെങ്കില്‍ കിടിലമായി ആസ്വദിക്കാം. ഇല്ലെങ്കിലും കുഴപ്പമില്ല.

നെഞ്ചത്തൊരു മാപ്പും കാട്ടി നില്പ്പൂ മദിരാക്ഷി

2008-06-04T03:11:00.000+05:30

ആകാശസുന്ദരീ..നിന്നോടൊത്ത്..ഒറ്റ പ്രാവശ്യം.

2008-06-01T09:16:00.000+05:30

ഈ വോഡഫോണ്‍കാരെക്കൊണ്ട് തോറ്റു. ഓരോ പരസ്യങ്ങളേ...

കാഞ്ഞിരപ്പള്ളിക്കാരന്‍ കൃസ്ത്യാനി.

2008-05-14T01:33:00.000+05:30

മുംബൈയില്‍ ഇങ്ങനെയാണ്‌ കാര്യങ്ങള്‍

2008-05-07T03:46:00.000+05:30

കുറച്ച്‌ ചിരിവന്നെങ്കിലും അല്‍പം സഹതാപം തോന്നാതിരുന്നില്ല.

വാട്ട് ഈസ് യുവര്‍ ബിക്കോസ് !

2008-04-12T22:44:00.000+05:30

ആംഗലേയ പ്രവീണരായ രണ്ടു ഗഡികള്‍....

നിഴലായ് ഒഴുകിവരും ഞാന്‍.....

2008-04-09T03:26:00.000+05:30

സ്വന്തം നിഴലിനെ ഭയക്കുന്ന കുട്ടിയുടെ വീഡിയോ.

ബ്ലഡ്ഡ്......ഫണ്ണീ !!!

2008-03-04T03:22:00.000+05:30

യുട്യൂബില്‍ വമ്പന്‍ ഹിറ്റായി മാറിയ ഒരു വീഡിയോ.

ഇവനെ സമ്മതിക്കണം ചങ്ങാതീ...!

2007-12-07T05:44:00.000+05:30

സ്പ്രേ പെയിന്റ്‌ കൊണ്ട്‌ വര്‍ണ്ണവിസ്‌മയങ്ങള്‍ തീര്‍ക്കുന്ന ഈ കലാകാരനെ അഭിനന്ദിക്കാതെ വയ്യ. അല്‌പം ഭാവന കൈമുതലായുള്ള ആര്‍ക്കും പരിശീലിച്ചെടുക്കാവുന്ന ഒരു കലയാണിത്‌. വിവിധ രൂപങ്ങള്‍ക്കായി ഉപയോഗിക്കേണ്ട വസ്‌തുക്കള്‍, പെയിന്റിന്റെ അളവിലുള്ള നിയന്ത്രണം എന്നിവയാണ്‌ ശ്രദ്ധിക്കേണ്ട പ്രധാന സംഗതികള്‍(എന്റെ അഭിപ്രായത്തില്‍). മച്ചാന്‍ വരച്ചു വരുന്നത്, പ്രപഞ്ചസത്യങ്ങളുടെ ആത്മാവിഷ്കാരത്തിന്റെ ഉന്മൂലനത്തില്‍ നിന്നും ഉത്ഭവിക്കുന്ന ആര്‍ത്തവവിരാമത്തിന്റെ തുടക്കവും അവയെ അപഗ്രഥിക്കുന്ന ഒരു പ്രോലറ്റേറിയന്റെ ചിന്താസരണികളുമാണ്. പ്രപഞ്ചം വരച്ചപ്പോള്‍ ശനി ഗ്രഹത്തിന് ചുറ്റുമുള്ള വളയങ്ങള്‍ വരച്ച രീതി എനിക്ക് വളരെ ഇഷ്‌ടപ്പെട്ടു.

ഞാന്‍ കാഞ്ഞിരപ്പള്ളി അച്ചായന്‍

2007-08-29T09:31:00.000+05:30

ഒരച്ചായന്‍ ഒരു ഒന്നര, ഒന്നേമുക്കാല്‍ അച്ചായന്‍ വരും. അതാണു കാഞ്ഞിരപ്പള്ളി അച്ചായന്‍. അച്ചായന്‍ സങ്കല്‍പ്പങ്ങളിലെ പൂര്‍ണ്ണത. മറുനാടുകളില്‍ കാഞ്ഞിരപ്പള്ളി അച്ചായന്‌ എന്തിനും പോന്നവന്‍ എന്നൊരു പര്യായം കൂടിയുണ്ട്‌. പക്ഷേ തല്ലിനോ വഴക്കിനോ ഇന്നേ വരെ ഒരു കാഞ്ഞിരപ്പള്ളി അച്ചായന്‍ നേരിട്ടിടപെട്ടതായി ചരിത്രമില്ല.

പുരുഷ സൗന്ദര്യത്തെക്കുറിച്ചു നമുക്കു ചില അളവുകോലുകളില്ലേ. ഉയര്‍ന്ന നെറ്റിത്തടം, വിരിഞ്ഞ മാറിടം, ഉറച്ച മസിലുകള്‍, തുമ്പിക്കൈ പോലുള്ള കൈകള്‍...അങ്ങനെയങ്ങനെ...

അച്ചായന്മാരെക്കുറിച്ചും ഇങ്ങനെ നാട്ടില്‍ ചില കാഴ്‌ചപ്പാടുകളുണ്ട്‌. ബ്ലീച്ച്‌ ചെയ്ത വീതിക്കരയന്‍ മുണ്ട്‌, ഇളംനിറങ്ങളിലുള്ള കോട്ടണ്‍ ഷര്‍ട്ട്‌, കയ്യിലും കഴുത്തിലും സ്വര്‍ണ്ണം, ലെതര്‍ ചെരുപ്പ്‌, അല്‌പ്പം കുടവയര്‍, നരകയറിയ മുടിയില്‍ 'ഡൈ'യുടെ കറുപ്പ്‌, ഒരു വില്ലീസ്‌ ജീപ്പ്‌...ഇങ്ങനെ എല്ലാം തികഞ്ഞ അച്ചായന്മാര്‍ എല്ലാ നാട്ടിലുമില്ല. അതു കാഞ്ഞിരപ്പള്ളിയില്‍ ധാരാളമുണ്ടുതാനും.

പൂര്‍വ്വികരായി കൈമാറിവന്ന ഇഷ്‌ടം പോലെ സ്വത്ത്‌. അതുകൊണ്ട്‌ ഇഷ്‌ടം പോലെ കാശ്‌. അത്‌ ഇഷ്‌ടം പോലെ ചിലവാക്കാനും മടിയില്ല. ജീവിതസുഖങ്ങളില്‍ അച്ചായനെ തോല്‍പ്പിക്കാന്‍ ആരും മിനക്കെടേണ്ട. വെറുതെയാണോ റബറിന്‌ വില കയറിയ സമയത്ത്‌ ഒരു പ്രൊഡക്ഷന്‍ യൂണിറ്റ്‌ കാഞ്ഞിരപ്പള്ളിയില്‍ തുടങ്ങിയാലോ എന്ന്‌ മാരുതി കമ്പനി പണ്ട്‌ ചിന്തിച്ചത്‌ (വെറും അപവാദമാണേ). അന്നു പോണ്ടിച്ചേരിയില്‍ നിന്നും കൊച്ചിയില്‍ നിന്നുമെല്ലാം പുതുപുത്തന്‍ മാരുതിക്കാറുകള്‍ ഒഴുകിയിരുന്നത്‌ കാഞ്ഞിരപ്പള്ളിയിലേക്കല്ലായിരുന്നോ.

റബര്‍ എന്നു കേട്ടാല്‍ ചില നാട്ടുകാരുടെ മുഖം വലിഞ്ഞു മുറുകും. എന്നാല്‍ റബറാണ്‌ കാഞ്ഞിരപ്പള്ളിയുടെ എല്ലാം. കാഞ്ഞിരപ്പള്ളിക്കാര്‍ക്ക്‌ ഏറ്റവും നന്നായി അറിയാവുന്ന കൃഷി. റബറിന്റെ ഇലച്ചാര്‍ത്തുകളുടെ തണുപ്പുമേറ്റ്‌, വളഞ്ഞു തിരിഞ്ഞ എസ്‌റ്റേറ്റ്‌ വഴികളിലൂടെ ചുണ്ടിലൊരു മൂളിപ്പാട്ടുമായി ഒന്നു യാത്ര ചെയ്തു നോക്കൂ. എത്ര അരസികനും റബറിനെ ഇഷ്‌ടപ്പെട്ടു പോകും. അതോടെ കാഞ്ഞിരപ്പള്ളിക്കാരേയും. സിനിമകളാണ്‌ കാഞ്ഞിരപ്പള്ളി അച്ചായനെ ലോകപ്രശസ്‌തനാക്കിയത്‌. വില്ലനായാലും നായകനായാലും അല്‍പം പ്രത്യേകതയുള്ള ഒരു ക്രിസ്ത്യാനി കഥാപാത്രമാണോ, അതു കാഞ്ഞിരപ്പള്ളിയില്‍ നിന്നായിരിക്കും. കിഴക്കന്‍ പത്രോസും, ചേറാടി കറിയയും, ടോണി കുരിശിങ്കലും തുടങ്ങി എത്രയോ പേര്‍.(പക്ഷേ കാഞ്ഞിരപ്പള്ളിയിലെ കാശുള്ളവര്‍ ഏതു ജാതിയായാലും മറുനാട്ടുകാര്‍ക്ക്‌ അവരെല്ലാം അച്ചായന്മാര്‍ തന്നെ).

"ഞാനേ കാഞ്ഞിരപ്പള്ളിക്കാരന്‍ കൃസ്ത്യാനിയാ. കാഞ്ഞിരപ്പള്ളിക്കാരന്‍ കൃസ്ത്യാനിക്ക് അവന്റെ പെണ്ണുമ്പിള്ളയെ നിലയ്ക്ക്‌ നിര്‍ത്താനറിയാം". 'കൂടെവിടെ' സിനിമയില്‍ മമ്മൂട്ടി ഇതു പറയുമ്പോള്‍ തിയറ്ററുകളില്‍ കൈയ്യടിയുടെ കമ്പക്കെട്ട്‌. ചില ഭര്‍ത്താക്കന്മാര്‍ തിയറ്ററില്‍ നിന്ന് വീടിന്റെ പടി വരെ കയ്യടിച്ചു. വീട്ടുകാരിയേയും കൂട്ടി എത്തിയവന്‍ സീറ്റില്‍ നിന്നെഴുന്നേറ്റ്‌ മൂത്രപ്പുരയില്‍ പോയി കയ്യടിച്ചു. നമുക്ക്‌ പറ്റാത്തത്‌ ഇതാ കാഞ്ഞിരപ്പള്ളിക്കാരന്‌ കഴിഞ്ഞിരിക്കുന്നു.

സംഭവത്തില്‍ അല്‍പം കാര്യമുണ്ട്‌. കാഞ്ഞിരപ്പള്ളിയുടെ പ്രിയ കവയിത്രി റോസ്‌മേരി പറയുന്നത്‌ ശ്രദ്ധിക്കുക: "തികഞ്ഞ പുരുഷാധിപത്യമായിരുന്നു എന്റെ നാട്ടില്‍ നിലനിന്നുപോന്നത്‌. തോട്ടങ്ങളുടെ ഭരണവും ധനവിനിയോഗവും പുരുഷന്റെ അധീനതയില്‍ തന്നെയായിരുന്നു. ഗൃഹഭരണത്തിന്റെ മേഖലയില്‍ സര്‍വ സ്വതന്ത്രരായതു കൊണ്ടാവാം ആണുങ്ങളുടെ ഇടപാടുകളിലോ, അവര്‍ വിഹരിക്കുന്ന മേഖലകളിലോ സ്ത്രീകള്‍ കൈകടത്താന്‍ ഒരുമ്പെട്ടതേയില്ല".

'കാഞ്ഞിരപ്പള്ളിക്കാരന്‍ കള്ളുകുടിക്കും, പെണ്ണുപിടിക്കും, തല്ലുകൊടുക്കും, പക്ഷേ ചെറ്റത്തരം കാണിക്കില്ല'. നാട്ടിന്‍പുറത്തെ ഒരു പറച്ചിലാണ്‌. ചെറ്റത്തരം അവരുടെ നിഘണ്ടുവിലില്ലാത്ത കാര്യമാണ്‌. അതായത്‌ ഒരാളെ ചതിക്കുന്ന പരിപാടി. മണ്ണില്‍ വിയര്‍പ്പൊഴുക്കുന്നവന്‌ വിശ്വാസവഞ്ചനെയെക്കുറിച്ചു ചിന്തിക്കാനാവില്ലല്ലോ.

കുറേക്കാലം മുമ്പാണ്‌. കൊച്ചിയിലെ ഒരു മുന്തിയ ഇനം ഹോട്ടല്‍. കാഞ്ഞിരപ്പള്ളിയില്‍ നിന്നുള്ള അച്ചായന്‍ മയക്കംകൂട്ടി ബാറിലെത്തി. അടിയോടടി. അക്കാര്യത്തില്‍ അച്ചായനെ തോല്‍പ്പിക്കാന്‍ ഭൂമിമലയാളത്തില്‍ ആര്‍ക്കു കഴിയും. പെരുപ്പുകയറിയപ്പോള്‍ അച്ചായന്റെ കാഴ്‌ചപ്പാടില്‍ ആകെയൊരു 'സോഷ്യലിസം'. മുന്നിലുള്ളതെല്ലാം ഒരുപോലെ. നേരെ നടന്നു. അച്ചായന്റെ സൗകര്യത്തിനു വഴി വരുന്നില്ല. വഴിയുടെ സൗകര്യം നോക്കി നടപ്പു ശരിയാക്കാന്‍ അച്ചായന്‍ ശ്രമിച്ചതുമില്ല. ചില്ലുകള്‍ ഉടയുന്ന ശബ്‌ദം. ഹോട്ടലിന്റെ മുന്നിലെ ഗ്ലാസ്സ്‌പാനല്‍ തവിടുപൊടി താഴെ. ഒന്നുമറിയാതെ അച്ചായന്‍ പുറത്തിറങ്ങി നടത്തം തുടര്‍ന്നു. ഹോട്ടല്‍ മാനേജര്‍ പുറകേയെത്തി. തര്‍ക്കമായി. "ഈ ഹോട്ടലിന്‌ എന്തു വിലയാകുമെടാ?" ഘനഗംഭീര ശബ്‌ദത്തില്‍ ഒരു ചോദ്യമാണ്‌. പുറകേ നൂറിന്റെ ഒരു കെട്ട്‌ പോക്കറ്റില്‍ നിന്ന് വലിച്ചെടുത്തു. കാല്‍ക്കാശിനു വരുമാനമില്ലെങ്കിലും വേഷംകെട്ടില്‍ മോശമാകാത്ത കൊച്ചിക്കാരെ കണ്ടു ശീലിച്ച മാനേജര്‍ ഞെട്ടി. കാശുള്ള കസ്‌റ്റമര്‍ കാണിക്കുന്ന പോക്രിത്തരങ്ങള്‍ കാണരുതെന്നാണല്ലോ മാനേജ്‌മെന്റ് തന്ത്രം. മാനേജര്‍ സാഷ്‌ടാംഗം ഒരു വീഴ്‌ചയാണ്‌. പിന്നെ അച്ചായന്‍മാരോടെല്ലാം കൊച്ചിയിലെ ഹോട്ടലുകാര്‍ക്ക്‌ വല്ലാത്ത ബഹുമാനമായിരുന്നു.

അനുക്രമമായ മാറ്റമായിരുന്നു അച്ചായന്മാരുടേത്‌. തോര്‍ത്തുമുണ്ടും തൊപ്പിപ്പാളയും അതിലൊളിപ്പിച്ച ലക്ഷങ്ങളുമായിരുന്നു പഴയ കാഞ്ഞിരപ്പള്ളി അച്ചായന്റെ പ്രത്യേകത. പക്ഷേ, മണ്ണാര്‍ക്കാട്‌ മൂപ്പില്‍ നായര്‍ സ്ഥലം നല്‍കിയപ്പോള്‍ പാലക്കാട്‌, മണ്ണാര്‍ക്കാട്‌ പ്രദേശത്തേക്കും പട്ടം താണുപിള്ളയുടെ കാലത്ത്‌ ഭക്ഷ്യോത്‌പാദന വര്‍ധന പരിപാടിയനുസരിച്ച്‌ ഇടുക്കിയിലേക്കും, നിലമ്പൂര്‍, മങ്കട കോവിലകങ്ങള്‍ സ്ഥലം വിറ്റതോടെ അവിടേയ്ക്കും തുടങ്ങിയ കുടിയേറ്റം അച്ചായന്മാര്‍ക്ക്‌ അനന്തസാധ്യതകളാണ്‌ തുറന്നത്‌. കാടുകളില്‍ വേട്ടയ്‌ക്ക്‌ പോയി കിട്ടുന്ന ഇറച്ചി നാട്ടിലേക്ക്‌ ജീപ്പിലെത്തി. ആ വെടിയിറച്ചിയും, സ്‌കോച്ചും, വെടിവര്‍ത്തമാനങ്ങളുമായി വൈകുന്നേരങ്ങള്‍. ഷോപ്പിംഗിന്‌ കൊച്ചിയും കോട്ടയവും. മക്കളുടെ പഠനം ബാംഗ്ലൂരിലും ഊട്ടിയിലും. വിദ്യാസമ്പന്നരായി മടങ്ങിയെത്തിയവര്‍ ജോലിക്കു ശ്രമിക്കാതെ തോട്ടം കൃഷിയിലേക്ക്‌. കാഞ്ഞിരപ്പള്ളി വളരുകയായിരുന്നു.

കരിപ്പാപറമ്പില്‍, കൊല്ലംകുളം, ആനത്താനം, മടുക്കക്കുഴി, പുല്‍പ്പേല്‍, പന്തിരുവേലില്‍, ഏര്‍ത്തൈല്‍, പൊട്ടംകുളം, കിഴക്കേത്തല, വാലുമണ്ണേല്‍, കല്ലമ്പള്ളി, പങ്കപ്പാട്ട്‌, പുന്നാപറമ്പില്‍, മണ്ണിപ്പറമ്പില്‍, കുരിശുംമൂട്ടില്‍, കൊച്ചുപറമ്പില്‍, വലിയകുന്നം, തേനന്മാവ്‌, മങ്കാശ്ശേരി, താമരശ്ശേരി തുടങ്ങിയ ഒട്ടേറെ പ്രശസ്ത കുടുംബങ്ങളും കാഞ്ഞിരപ്പള്ളിയുടെ വളര്‍ച്ചയില്‍ നിര്‍ണ്ണായക പങ്ക്‌ വഹിച്ചു.

ഒരു വെള്ളമുണ്ടും ഇളംനിറത്തിലുള്ള ഷര്‍ട്ടും ഒരു ലെതര്‍ചെരുപ്പുമിട്ട്‌ ഒന്നു പറഞ്ഞുനോക്കൂ: "ഞാനേ കാഞ്ഞിരപ്പള്ളിക്കാരന്‍ അച്ചായനാ". പറ്റുന്നില്ല അല്ലേ. വെറുതെ വേഷം കെട്ടിയതുകൊണ്ട്‌ കാര്യമില്ല. അത്‌ ഒരു കാഞ്ഞിരപ്പള്ളിക്കാരനെക്കൊണ്ടേ കഴിയൂ. അതാണ്‌ കാഞ്ഞിരപ്പള്ളി അച്ചായന്‍. സമാനതകളില്ലാത്ത പ്രതിഭാസം.

(കടപ്പാട്‌ : മലയാള മനോരമ)